Forristalschool of dance

Deirdre Forristal

Is í Deirdre Forristal, LISTD, úinéir agus príomhoide Scoil Damhsa Forristal. Tá taithí fhairsing aici ag obair i dtionscal na taibhealaíona.

Tá scileanna aici i gCóiréagrafaíocht, Taibhealaíona, Amharclannaíocht Cheoil, Damhsa agus Múinteoireacht. Is múinteoir cumasach í le Teastas Múinteoireachta RAD i mBailé Clasaiceach ón Acadamh Ríoga Damhsa i Londain, chomh maith le DDE agus Céim Licentiate ón ‘Imperial Society of Teachers of Dancing’ i Londain.

Thosaigh Deirdre a hoiliúint i gCill Chainnigh le Cynthia O'Dunlaing. Lean sí ar aghaidh lena hoiliúint le Aedeen O’Hagan, Debbie Allen agus le Bailé Chathair Bhaile Átha Cliath sula ndeachaigh sí go Londain le traenáil a dhéanamh ag an Acadamh Ríoga Damhsa.

I Londain, rinne sí staidéar ar Bhailé Clasaiceach, Stair an Damhsa, Anatamaíocht, Síceolaíocht, Ceol agus Repertoire. Bhain sí céim amach le gradam sa Teastas Múinteoireachta agus d’fhill sí ar Éirinn le dul ag teagasc le Cynthia O'Dunlaing i mBaile Átha Cliath agus i mBré.

Bhunaigh Deirdre a cuid scoileanna damhsa féin in Éadan Doire, Baile Átha Í agus Cill Chainnigh. Lean sí lena staidéir ar an damhsa agus d’éirigh léi céim chomhlachais, céim licentiate agus dioplóma a bhaint amach in Oideachas Damhsa i nDamhsa Amharclainne Nua-Aimseartha leis an ISTD. Chum sí cóiréagrafaíocht do cheoldrámaí i gCill Chainnigh agus i mBaile Átha Í, agus ghlac sí féin agus a cuid daltaí páirt i mórán imeachtaí éagsúla in Éirinn.

I ndiaidh di bogadh go Dún na nGall, bhunaigh Deirdre a scoil i nGaoth Dobhair sa bhliain 2001. Tá sé i ndiaidh fás anois go dtí 4 ionad thart ar an chontae, ag soláthar lárionad barr feabhais don damhsa.

Bíonn Deirdre ag teagasc i go leor de na bunscoileanna áitiúla, ag tabhairt ranganna damhsa spraíúla agus fuinniúla do na páistí. Leanann sí uirthi ag forbairt a cuid scileanna, ag freastal ar chúrsaí i mBaile Átha Cliath agus i Londain lena cuid scileanna coinneáil suas chun dáta agus chun na scileanna sin a chur i bhfeidhm ina cuid ranganna.

Tá grá nádúrtha ag Deirdre don damhsa agus tá na buntáistí móra a bhaineann leis feicthe aici ina taithí ag obair le páistí thar na mblianta. Tá sé mar aidhm aici an grá seo don damhsa a chur ar aghaidh chuig a cuid daltaí ionas go mbainfidh siad sult agus pléisiúr as an bhua a thugann sé dóibh.